政情：風水輪流轉 毓民也中蕉

話說毓民尋日出席人民力量新界東團隊喺大埔大明里宣布參選活動，毓民作為壓軸嘉賓上台發言，當講到佢同陳偉業點利用議事規則「拉布」，阻止新政府架構重組方案通過時，藏身喺人群中嘅鍾先生疑似不滿，突然將三隻香蕉擲向毓民，其中一隻擊中毓民嘅額頭並令其眼鏡幾乎飛脫，即時惹來在場人民力量支持者強烈不滿，有人更報警求助。至於另外兩隻香蕉嘅下落，據聞有一隻畀人食咗，另一隻則不知所終。

話時話，黃毓民始終係掟蕉嘅始祖，今次「風水輪流傳」畀人掟返轉頭，最後仲要報警收場添。警方拘捕一名四十四歲曹姓男子，到夜晚，該男子已獲釋，但警方就通緝另一名四十至五十歲男子。