「我哋資助過嘅一個雲南大學生，依家放假會返鄉下幫小朋友補習，見到佢咁積極，自己都好開心。」明威甫訪問便向記者展示隨「苗圃行動」到內地山區探訪的照片，他與另一位義工權叔談起經歷，即滔滔不絕分享每個深刻回憶，說時年屆五十的大朋友頓時變成小男孩模樣，展露開懷笑容，一臉滿足。

陣陣哀聲 震撼心靈

○八年四川大地震後，本是城市大學導師的明威，和太太隨大學團隊趕到災區提供支援，眼看滿目瘡痍的災區，聽到陣陣的哀聲，深深震撼其心靈，令他萌生成為全職義工的意念，「嗰陣去到重災區，真係好似亂葬崗咁，見到好多小朋友嘅墓碑，我開始諗，到底人生有咩意義？可以做啲咩？」

明威（右）與太太訂下協議，各自有兩年時間追尋夢想。	義工與山區兒童打成一片玩遊戲。	苗圃義工會向山區兒童送上禮物。

一一年，他毅然辭職，背上行裝走入山區，為貧困孩子築夢。「與其話幫佢哋實現夢想，不如話幫自己完成夢想。」他隨團往內地貧困山區考察，了解居民生活需要，及兒童學習上的缺乏，回港籌劃協助，例如會培訓當地老師義工，及資助學童上大學等。放棄安穩工作全職助人，如何維持生計？明威笑言﹕「我太太做嘢，唔係邊個養家呀！」他與太太訂下「追夢協議」，明威與太太各有兩年限期放棄現時工作，追尋自己的理想，「兩年後我就要做番嘢去支持太太！」

望感染更多人行善

在他眼中，義工不僅是追夢，更是愛心的互動。明威回憶，今年探訪期間，一名經常被父母獨留家中的小朋友哭着問他：「你相不相信天下的父母都是有愛心的？」明威基於當時實地考察義工的身份，回答十分冷淡，「我好後悔當時冇好好答佢，我應該抱住佢，同佢講，呢個世界係有愛。」原來，一個擁抱比千言萬語來得溫暖。

憑一己之力，未必能為世界帶來地動山搖的改變，但一個影響一個，形成點滴作用，感染更多人投身助人行列，是他最大的夢想，「生命嘅感動就係咁嚟﹗」

圖﹕馮溢華、受訪者提供

文﹕溫盈盈

逢周日刊出

提名熱線:3600 9999

Fax:3600 9900

E-mail:like@on.cc