政情：白鴿黨靠靚女實習生救亡
近年喺年輕人心目中形象插水嘅民主黨（白鴿黨），由於該黨嘅後生女性甚少，而且年紀有番咁上下，如果要向年輕男性選民吸票，應該難度極高。既然無美女出選，惟有搵索女幫手拉票，最近我哋就喺立法會見到老鴿黃成智身邊有幾位年輕靚女，細問之下原來係實習生，睇嚟佢哋都唔想放棄後生選民市場喎。
三位索女分別叫Charmaine、Joyce同Bessy，一個電眼美人，一個大方得體，一個就鄰家少女feel，而且唔係得個索字，全部都係高材生，係恒生商學院讀新聞與傳播學系主修公關。三人都話揀做政治公關係因為想接觸唔同階層市民，咩人都有，咁學嘢先最快喎。
不過，白鴿黨好幾次落區都被人民力量狙擊，佢哋有咩計謀應付呢？Bessy就話有絕招可以俘虜敵人，首先要平心靜氣，唔可以同佢互罵，聽完後仲施展一招「溫柔拍拍膊頭」，等對方嬲佢唔落喎。唔知白鴿黨憑幾位靚女，可唔可以將本身股「老味」洗走呢？