【本報訊】一筆風流債換來無數指摘。練姓港漢在香港與元配育有三名子女，且已有兩名孫子。其在深圳的二奶的汪女，來自美女如雲的湖南衡陽，有瘦版楊貴妃之稱。有街坊恥笑練先生窮到燶，連做親子鑑定的錢都要向人借，如今他和二奶都不知所終，記者昨日聯絡到練的香港妻子，練妻怒斥丈夫包二奶害慘她，又指二奶破壞其家庭，「佢害到我哋幾慘呀！搞到我哋冇晒錢，仲欠落一身債！」
有熟悉二奶汪女的街坊嘆稱，「好可惜，原本清純的一個女孩，哪知一到深圳就轉了性。」十年前汪女初到深圳時很單純，太容易相信人，「可能事後知道做了港人的二奶，她性情大變，經常借酒消愁和打牌度日」，街坊稱，遭受打擊的汪女衣着愈來愈大膽，常同年輕男子飲酒作樂。聽到流言蜚語的練姓港男為了安心，個多月前偷偷地去做了親子鑑定。「真的無用，連做ＤＮＡ的錢都出不起，要同朋友借」。
據悉，從事水電維修的練，去年受領匯加租影響結業，改在家中接定單，經常開工不足致經濟拮据，連私生子奶粉錢都給不起。
記者曾前往練的住所查看，但無人應門，其後致電聯絡到練太，她一聽見二奶便火滾，痛斥二奶「係咁要錢」！其丈夫就「係咁攞啲錢畀佢」！她稱港人梁先生曾致電給她，為一名男嬰尋父，她質疑「個B點知佢（二奶）同邊個生o架，依家上面都唔少人生咗就是但搵男人，話係同佢生o架啦！」練太告訴梁：「應該搵個B個阿媽！搵我做乜啫！佢哋識個女人o架嘛！」她表示，丈夫在港亦已失蹤，她憤然說：「走咗仲會去咗邊吖，梗係喺個女人（二奶）度啦，同個女人一齊啦！」