身兼平等機會委員會主席嘅行政會議召集人林煥光尋日同平機會委員開會，但都未能決定應否就有人質疑佢身份有矛盾而辭去行會召集人職務，事件已經拖拖拉拉咗好幾日，亦有唔少人畀晒下台階佢，叫佢留低，最好宣布決定留低嘅時機都已經過咗。其實一個政府咁多嘢做，新一屆政府有幾個官員已經經歷咗「炮火洗禮」，林煥光唔迅速救熄因為自己引起嘅火，而畀佢繼續燒落去，真係好難明點解。
