政情:同袍撐師姐肉搏示威男

一張優秀嘅新聞圖片除可揭示真相,亦能對讀者產生巨大感染力,東方報業集團報道梁振英落區遇到激烈示威,攝記同事影到一名警花奮不顧身,即使被男示威者貼身衝埋嚟,身貼身,場面好尷尬,而佢嘅表情亦顯得難受,但都無退縮,繼續以身軀抵擋示威者,兩張尋日刊登喺《東方日報》頭版嘅相片引發警隊中人熱烈討論,有人戥Madam唔抵,女兒家被男示威者「挨得咁埋」好值得同情,有人則力讚佢堅強夠硬淨,有同袍更WhatsApp「撐佢」。

據知呢位Madam係黃大仙警區雜項調查隊嘅一名女高級督察,加入警隊超過五年,同袍話,「咪睇佢細細粒,平時做嘢好搏o架!」前日佢同男示威者發生「激烈肢體衝突」事件後,佢「冇呻過,冇投訴」,反認為當時現場好混亂,腦中只顧如何避免讓示威者靠近特首梁振英,明白做嘢有碰撞難免,據悉佢同幾名男同袍喺行動中擦傷手腳。

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報