中環出更：林筱魯 家藏60年新會陳皮
近年陳皮價格飛漲，靚陳皮極之渴市。早前卓妮喺浙江幫嘅晚宴上，見到早排捲入辭職風波嘅古物諮詢委員會成員林筱魯（Andrew），佢係浙江省政協，樂於以浙江幫自居，但其實係廣東新會人。
新會果皮出晒名，Andrew話，屋企都有一大樽婆婆留落嚟嘅六十年靚果皮。有時落些少陳皮煲靚湯，不知幾滋陰。
世界毛紡大王曹光彪兒子曹其鏞都喺度，當晚係浙江省同鄉會聯合會與港區浙江省政協，聯合宴請浙江省訪港團，身為浙江省政協常委嘅曹其鏞梗要現身撐場。佢話，爸爸身體好健康、精神唔錯。
宴請浙江省訪港團
同場仲有前工業總會主席孫啟烈、寧波市僑商會榮譽會長葉泰海、Sharp代理商聲寶－樂聲（香港）主席李本俊、已投身商界嘅前藝人曹眾等，氣氛好熱鬧。
創立浙聯青年委員會，並擔任首屆主席嘅全國青聯副主席陳仲尼亦喺度，佢話見到第二代積極參與會務，感到好欣慰。
卓妮