財經事務及庫務局局長陳家強尋日落區時被問到多項民生問題，長者就問佢生果金，年輕人就問佢上樓住屋問題，而成功過渡到新班子嘅陳家強就批評香港發展停滯不前，係因為上屆政府唔敢處理「老、大、難」呢啲棘手問題，之後又學足特首梁振英口脗咁話，今屆政府會「開誠布公」咁聽取市民意見。
不過咪住先，上屆政府咪又係佢，陳家強諗住擦鞋暗批前朝，點知就擺埋自己上台，唔通佢真心以為自己過咗海就神仙？
