政情:大舞台:葉劉:落區總有風險

特首梁振英前日落區親民聽意見,可惜去到屯門區卻遇到示威者衝擊。新民黨立法會議員葉劉淑儀當年擔任保安局局長時,亦試過喺立法會停車被群情洶湧嘅示威者包圍座駕,當時佢表現得好淡定,時至今日,佢依然氣定神閒話,落區接觸市民總會有風險,事關無可能七百萬人都認同你,而落區就預咗會被人抽水,所以未必一定要落區,其實可以選擇直接聽取相關專業人士嘅意見喎。