政情:陳維安嫌副局難上位?

前教育局副局長陳維安(Kenneth)自從被踢爆自減人工應徵做立法會秘書長後,出入立法會都要偷偷摸摸,但上星期立法會秘書處公布聘任佢後,佢終於可以光明正大咁步入立法會。不過,Kenneth話正式上任日期係八月六日,所以尋日佢現身立法會,都以輕裝上陣。

Kenneth話,雖然過去四年做副局長期間不時到立法會,對立法會程序都有一定了解,但始終都同秘書處嘅工作性質唔同,所以嚟緊呢個星期都會落立法會跟住即將離任嘅立法會秘書長吳文華(Pauline)熟習吓運作,又承諾會不偏不倚咁為立法會主席提供程序上嘅意見,亦會趁暑假將勤補拙刨吓議事規則。

至於點解肯自動減薪過檔立法會,Kenneth就話因為想吸取多啲經驗,同時希望畀自己一個好好嘅專業發展機會!咁係咪暗示做副局長無發展機會呢?Kenneth就重複又重複話想吸取多啲經驗喎。

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報