能屈能伸絕對係政壇其中一個生存技巧，好似新民黨立法會議員葉劉淑儀，曾經喺新政府埋班過程中講明唔肯做「妹妹」林鄭月娥嘅下屬，如今新班子出爐，林鄭擔任下屆政務司司長已成事實，葉太又點睇呢？有咩秘訣同妹妹合作呢？雖然葉太唔想再提「妹妹」兩個字，但佢好謙虛話要跟林鄭學嘢喎。盛傳葉太會獲邀做行政會議成員，咁將來就大把機會同林鄭合作啦！
