長康商場殘電梯 苦了三萬人

領匯商場升降機故障頻仍,居民出入大受困擾!青衣長康一期商場升降機分別服務長康及長青兩邨居民,使用率甚高,未料故障頻率同樣高企,兩部升降機近日更同時因故障停用,逾三萬居民被迫「撐樓梯」。區議員與學者批評領匯保養不善,「唔壞唔修」的處事方式直接影響民生,促作正視。

「一樓酒樓、二樓診所、三樓就去屋邨同巴士站,部電梯去親嘅地方日日都好多人出入,壞得咁密真係好麻煩!」長康邨居民李先生曾多次向領匯反映升降機故障問題,惜故障次數仍是有增無減,不滿領匯未有認真處理維修,「試過一個月壞成六、七次,如果傷殘人士坐住輪椅去睇醫生、搭車,冇電梯就要兜多成廿分鐘先去到,仲要日曬雨淋,都咪話唔慘!」

繁忙時間 人貨爭電梯

街坊黎先生則說,長康一期商場設有兩部升降機,其中一部為客貨兩用,平日繁忙時間經常「人貨爭𨋢」,近半年發現故障次數頻密,居民無不怨聲四起,「已經有一部電梯成日用咗嚟運貨同垃圾,唔排得兩、三個字都咪使旨意搭到電梯,仲試過兩部電梯一齊壞,係咪離譜先?」黎先生要求領匯積極處理問題,勿令居民繼續受影響。

領匯發言人承認,兩部升降機於四月下旬一度同時暫停服務以進行緊急維修,需時約半小時。直至五月中旬,由於其中一部升降機需更換機件及進行徹底檢查,故需再次暫停服務,已在五月下旬全面恢復運作,強調期間另一部升降機如常運作。

運作卅年 機件老化

當區區議員徐曉杰直斥領匯未做好保養卻諸多藉口,「藉口多多,上次故障話啲人唔正確使用,其實部電梯都用咗卅年,真係要認真檢查!」徐認為倘升降機「整極都整唔好」,領匯應作全面更換,以居民福祉為首。

「一發現升降機組件有損耗就要即刻換啦,吓吓壞咗先嚟換就唔叫保養!」香港理工大學機械工程學系工程師盧覺強指出,升降機每年須進行一次大型檢查,倘發現組件老化或耗損應及時更換,否則嚴重者會出現斷纜情況,後果可大可小,「最驚都係斷纜嘅啫,可能佢哋恃住部電梯唔會跌落嚟,頂多都係困電梯,咪唔壞唔理囉!」

記者:黃芷君、攝影:陳倩儀

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報