由李嘉誠基金會策劃嘅「香港仁愛香港（Love Ideas,Love HK）集思公益計劃」，現正進行第三回合公眾投票，今次共有一千○三十八個合資格項目。參與項目申請嘅十四間學校及社福機構代表，尋日就登上計劃嘅拉票巴士，巡遊港九各區為自己嘅愛心項目拉票，一邊向路上市民展示宣傳標語，一邊呼籲市民投票。市民可以透過廿四小時熱線36998800投票、或利用facebook戶口登入計劃專頁投票，投票到下月八日截止，投票結果約於下月十二日公布。
