中環出更:潘德明七萬呎大宅開P

今屆董事局成員多到爆燈嘅博愛醫院,一班高層感情融洽,日前佢哋喺元朗總壇開完董事會後,拉大隊到主席潘德明喺粉嶺大宅BBQ。

張漢忠任「行政總廚」

潘宅位於接近沙頭角嘅鄉郊,原來其大宅連花園等用地有成七萬呎咁大,稱得上係村屋王國,大家享受田園之樂及主人家精心炮製嘅地道美食,不知幾開心。

卓妮當晚去湊熱鬧,見到前立法局議員張漢忠喺度忙出忙入,原來佢係潘德明嘅大妹夫。佢笑稱唔做議員後,就專心研究煮嘢食,難怪潘德明封佢做行政總廚,逢親舉行大型家宴時,交晒畀妹夫就掂喇!

講起潘家七萬呎嘅安樂窩,原來住齊晒潘德明父母、兄弟姐妹等五家人,大家分別住喺三棟三層高嘅村屋,戶外仲有球場、泳池及私人會所。都話潮州人重視家庭,原來不假。

卓妮

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報