歐國盃:「貪靚之霸」半場變髮

葡萄牙球星C朗除球技稱霸,論貪靚程度亦達「球王級」!於擊敗荷蘭晉級一役,C朗喺上下半場都以唔同髮型示人,頭四十五分鐘,C朗頭髮錯落有致,前額頭髮微微隆起,可以話係典型「C朗頭」。但經過半場比賽後,汗水令梳起嘅頭髮開始「倒塌」。一向貪靚嘅C朗梗係接受唔到啦,所以利用短短十五分鐘中場休息時間,以強勁髮膠將所有頭髮「蠟實」,再梳出七三分界,以一副成熟穩重嘅外型重返球場。

C朗梳完個靚髮就更加醒神,喺下半場再入多球為葡萄牙奠定勝局。如果計埋賽後記者會再Gel番起個頭,C朗於區區一場比賽足足Gel咗個頭三次,可謂「貪靚之霸」。

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報