立法會日前討論議席出缺安排，拉布三人組喺開會期間不斷要求主席響鐘點人數夠唔夠出席率，搞到大會用咗唔少時間等齊議員開會。工聯會黃國健（KK）尋日就喺內務委員會批評社民連梁國雄（長毛）成日淨係識點人數，搞到唔夠時間開會。長毛就即時反駁話，如果點名點人數都唔啱嘅話，建制派大可去幼稚園掟走晒啲點名簿喎。又係嘅，出席會議係議員嘅基本責任，點人數都唔係無道理o架。
