政情：大舞台：夏佳理幫貪曾求情？

煲呔曾貪盡富豪海陸空款待，又浪費公帑豪華外訪，醜事劣行街知巷聞，更成為國際大笑話。不過，貪曾身邊「曾朋友」者眾，好似行政會議召集人夏佳理（Ron），尋日接受傳媒訪問時竟然話好同情貪曾，又話貪曾服務香港幾十年，無功都有勞喎。

無功都有勞？呢啲直情係律師幫疑犯向法庭求情嘅說話，阿Ron身為律師，唔通係曲線承認貪曾有錯？不過，最可悲嘅係貪曾有錯都唔肯認衰辭職，令人髮指。