政情：貪曾賴死唔走 一分鐘都嫌多

貪曾舔到盡，除咗接受富豪款待、廉價租用深圳禮賓府，仲有用公帑豪住幾萬蚊一晚房租嘅總統套房，同埋碌自己張信用卡找酒店數，為咗要袋埋啲獎賞積分。夠喇！市民受夠喇！

佢嘅行為實在令市民討厭，尋日就有聽眾打電話去電台節目，要求佢下台，唔好再以任期只有唔夠一個月為理由而賴死唔走，咁至可以體現問責制。畀市民唾棄到咁，留喺度都無意思喇。