市民心聲
曾先生（飲食業）：「佢依家用公帑嚟私人享受，係唔應該，要盡快向公眾交代，點解要住得咁豪。佢本身已經負分，個人誠信亦有問題，依家差上加差！」
吳小姐（大學生）：「曾蔭權用咗咁多錢住貴價酒店房間，啲錢應該要拎番出來，就算我無份享受，啲錢都可以用嚟幫到其他人。」
吳小姐（大專生）：「住到總統套房成五萬蚊一晚，市民真係心痛，住普通酒店都可以喇。政府要快啲為高官設限額，而且要諮詢市民先實行。」
關先生（銀行業）：「曾蔭權用咁多錢外遊，起帶頭作用，佢起碼要向市民道歉，唔好變到好似內地情況，任佢哋使。佢已經係夕陽特首，追究責任，簡直浪費資源。」
鄭小姐（大學生）：「佢係趁落台前擸得就擸，無顧慮市民睇法，佢都話視民望如浮雲o架喇。我會想佢向公眾交代，但係佢平時對住記者都燶口燶面，可能要中央出手，佢先會認錯。」