食肆阻街不但有礙環境衞生，更對行人通道造成阻塞。羅先生指荃灣三陂坊有多間食肆經常於晚上佔用店外行人路非法擴展營業，「日日都擺到滿晒，好似無王管咁，唔知食環署點做嘢！」
食環署發言人表示，當局一直關注上址一帶食肆非法擴展營業範圍情況，並不時派員巡查及執法。接獲轉介後再度派員突擊巡查，發現有七間食肆違規，已向有關食肆負責人提出檢控。根據紀錄，由今年一月至今向上址一帶違規食肆共提出六十五宗檢控，該署會繼續留意上址情況及採取適當行動。
「嗰度嘅情況一路都唔見有改善，食環署話關注就真係要加強執法先至得，唔好講多過做！」羅先生認為，食環署必須正視處理，保持行人通道暢通無阻。