投訴：彩福邨缺電單車泊位
舊有公共屋邨電單車車位不足多年來已遭詬病，未料新落成屋邨竟仍未有完善規劃。居於九龍灣彩福邨的阿明指出，邨內雖設有多層停車場，但場內只設有十多個電單車車位，「我申請咗好耐，一直都係後補，相反啲私家車車位就有大把位冇車泊，點解唔改做電單車車位？」
彩福邨物業服務辦事處發言人表示，邨內停車場有一百三十多個私家車及十多個電單車車位，月租私家車車位的租用率約五成，而電單車車位則全部租出。發言人指房屋署察覺居民對電單車車位需求增加，決定將九個私家車車位改成二十個電單車車位，以供居民租用。
當區區議員顏汶羽表示早前曾接獲相關投訴，更斥房署規劃錯誤，「唔單只呢條邨係咁，好多新屋邨都有咁嘅問題。」顏促署方修改規劃標準，以切合時宜，惠及居民。