雙非孕婦湧港及人口老化問題迫在眉睫，政務司司長林瑞麟（林D9）尋日先至施施然將上手唐英年做落嘅「倉底貨」《人口政策督導委員會的進度報告》出爐，雖然裏面有長達九十多頁報告及提出十項建議處理「雙非」和人口老化等問題，但大部分內容都係了無新意，未有長遠解決問題的良方。咁嘅報告用五年時間去做真係笑大人個口，有學者仲忍唔住寸政府好似喺度做緊資料搜集工作。
