林智遠接棒味濃
至於會計界議席嘅空缺，華人會計師公會會長林智遠（Nelson）承認正積極考慮參選。阿Paul一直對入官場嘅傳聞不作評論，但佢尋日突然喺立法會表達自己唔競逐連任會計界嘅意願，又首度稱讚Nelson喺業界做得相當好，希望對方可積極考慮參選喎。四十三歲嘅Nelson就憶述，○八年四月有業界中人話有嘢想搵佢幫手，後來先知原來係幫阿Paul助選，之後兩人就不時有合作。
去年底阿Paul力撐Nelson嘅「票在你手」選委會名單，Nelson更以三千多票第二高票當選。「試票」成功，阿Paul搵人接棒就不作他人想嘞。