封行車路勘察影響交通
陳小姐早前途經尖沙咀北京道，發現一段約五米長行車路被鐵欄圍封，內有紙箱及手推車等物件，不但有礙觀瞻，亦有影響交通暢順之嫌，「嗰度咁多車，依家變咗單線行車咪好塞？仲有條路唔畀車行，但就成日有人行咗入去食煙傾偈，咁圍嚟做乜？」
運輸署發言人表示，當局計劃於上址進行街道改善及美化工程，於○六年完成諮詢，現時正圍封部分計劃擴闊位置，以便勘察，有關圍封範圍並未禁止行人進入，工程進行期間將會完全圍封。對於被指影響附近交通，發言人則解釋圍封行車線，可由雙線收窄為單線行車，令車龍流入同為單線行車的漢口道時更暢順。
「搞咗咁耐都仲係計劃，未開工已經封咁大段路，又冇告示牌喺度，佢哋『考察』到幾時都得o架啦！」陳小姐不滿運輸署完成諮詢及圍封道路多時仍未動工，並建議該署於上址設置告示牌，增加透明度。