政情:長毛自薦做CY智囊?

候任特首梁振英(CY)請咗未有「三粒星」嘅陳冉加入候任特首辦,引起唔少爭議。公務員事務局局長D姐俞宗怡尋日喺立法會第N次耐心解釋,話之所以請陳冉係因為佢熟悉CY嘅政綱內容同理念。社民連主席長毛梁國雄即刻寸爆話,佢都好熟悉CY嘅政綱,當局有冇興趣請佢做兼職先?

D姐再三強調,陳冉係公務人員,唔係公務員,今次以非公務員合約工請佢,係因為份工得三個月時間,要熟悉CY政綱外,只係負責政策研究同埋寫吓講辭。D姐仲話,《基本法》都容許港府請外籍人士做「專門和技術職務」。長毛聽到火起,話佢都好熟悉CY嘅政綱,咁不如請佢做兼職,最多佢將份糧捐出嚟!跟住仲質疑熟悉一個人嘅政綱點算「專門」,「係咪咁狂莽叫『梁振英學』呀?」

民主黨立法會議員黃成智扮晒代表話有齊一整套知識、操守指引,同埋監管制度嘅社工就係專業喇,好似佢早前「唔記得」註冊立即被釘牌咁,簡直係趕住自暴其短。

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報