路牌倒豎葱 逾周吊吊揈
交通告示牌「倒豎葱」危立逾一周，恐有塌下之虞！甘先生早前途經銅鑼灣駱克道，發現有交通告示牌上下倒轉，懷疑乃螺絲鬆脫所致，惟情況持續逾一星期仍無人處理，「政府做嘢成日都求求其其，整埋啲嘢咁唔穩陣，仲要咁耐都唔整番好，係咪搵市民條命較飛先？」
路政署發言人表示，接獲本報轉介後即時派員實地查察，發現上址有一塊交通告示牌部件損毀，已即時安排進行維修。
「好彩嗱嗱聲同咗你哋《東方日報》講，趁個牌仲有一粒螺絲頂住之前整番好，如果冇人同路政署講，佢哋都唔去整，咁大塊鐵牌跌落嚟就大件事！」甘先生不滿路政署處事被動，要求該署定期巡視及檢查道路設施，確保途人安全。