隱藏垃圾崗 食環署塞責
元朗山下路垃圾站表面整潔，站後卻堆積大量垃圾，惹來蚊蟲孳生，食物環境衞生署竟視而不見！「呢度後面擺咗一袋二袋垃圾，垃圾籮、飯盒、雜誌汽水罐乜都有，成個垃圾崗咁，但就一直冇人理！」曾女士直言有關垃圾已堆積多時，不但不時傳出臭味，更擔心孳生蚊蟲後會影響環境衞生。
食環署發言人指出，有關垃圾站乃為附近居民收集家居廢物而設，當局接獲轉介後已派員巡查，並在地面發現家居垃圾，已安排承辦商作出清理，並清洗站外一帶。
「我成日都經過，但係依家都仲係咁污糟冇變過！」曾女士質疑該署未有積極清理站後垃圾。
元朗區區議員黃偉賢則指有關位置或涉私人土地，「嗰條路側邊係私家嘅，個位喺正中間，食環署可能見唔係自己地方就唔去理！」
黃直言不少鄉郊私人土地亦有被人濫用傾倒垃圾之情況，惟指若垃圾影響環境衞生，食環署亦有權作出檢控，促該署盡快正視問題。