政情：施榮忻龍B佛誕出世
百仁基金主席施榮忻（Jaime）喺佛誕榮升第三任爸爸，抱七磅龍B。BB預產期本來係五月三日，點知佛誕日突然搶閘出世，認真與佛有緣。
佛誕當日，身為虔誠佛教徒嘅Jaime本來諗住同太太Jaymee去紅館，參拜佛頂骨舍利。但老婆突然作動唔舒服，佢傍晚入院，醫生話生得嘞，要急急開刀。BB喺晚上九點出世，精靈可愛，一雙大耳朵似足媽媽Jaymee，大鼻同大口就似足爸爸。
爺爺施子清為男孫取名施湧濤，希望佢機智勇敢，前程如汪洋大海般廣闊。至於英文名，Jaymee就鍾意叫Torres喎。首次添丁，Jaime笑到見牙唔見眼，稍後將邀請親友食飯高興吓，但未計劃擺百日宴。