「做到癲」爆煲 公院護士大逃亡
港府由食物及衞生局局長周一嶽統領的公共醫療政策失衡。公立醫院近年長期鬧「護士荒」，加上雙非孕婦湧港產子，近期流感個案高企，令留下來的前線護士工作量倍增，壓力接近「爆煲」，在前景不明朗及叫停雙非孕婦效果未明下恐觸發新一輪離職潮。有資深公院內科護士控訴︰「最忙時候一人對十六名病人，有病都要返工，我唔係超人，都好想有人幫，邊個可以幫吓我？真係做到人都癲，好想辭職。」
公立醫院內科護士「流血不止」，一○／一一年度流失人數高達二百三十六人，較上年度多近四成，流失率達到百分之四點七，貼近整體流失率的百分之五點三。今年度截至去年十二月尾，流失人數為一百九十四人，流失率仍維持在百分之五的高位，與整體流失率只差零點五個百分點。
增床無增人 壓力大要食藥
ADA是伊利沙伯醫院內科護士，具有十年經驗。該院每個內科病房原有卅八張病床，今年流感高峰期特別長，病人有增無減，入住率長期維持在百分之一百二十的水平，病床已加至四十八張，但人手就無相應增加，日更依舊只有五名護士當值，夜更僅得三名護士。換言之在病人入院高峰時期，一名日更護士要照顧九點六名病人，夜更則要照顧十六名病人。
ADA無奈地說︰「幫病人甲急救時，隨時有三、四個病人禁鐘，唔係唔想理，而係理唔到咁多人。晚上更是收症高峰期，在當值十小時內，除幫病人打針、派藥外，隨時有八至十名急症室病人轉上病房，唔好話休息，連食飯都係快食十五分鐘，將飯盒倒落個肚，期間仲要接電話、處理病人投訴。有時聽粗言穢語不在話下，想透氣嘆氣都難，有同事壓力大到要食安眠藥。」
ADA續說︰「內科病房約有二十名護士，只有一、兩名護士願意返夜更，大家都係捱義氣，有病都要返工。我有次把聲沙晒，幾乎開不到聲，病人及家屬都叫我唔好返工休息吓，但係都要頂硬上，唔係病房唔夠人做嘢，隨時冧檔。」
當局近年已增加護士人手，加上今年新畢業生，預期可應付目前的醫療需要。ADA直斥「假象」，新人難以代替資深醫護人員。
新人零經驗 傳授添工作量
「佢哋實戰經驗係零，我哋咁多嘢做，邊有時間再帶住佢哋，加新人反而增加我哋工作量，當局明唔明問題喺邊？」她坦言，前線已心灰意冷，即使有夜更津貼，亦難以解決精神壓力，幾乎每三個月就有一人遞信辭職。
立法會衞生服務界議員、香港護士協會主席李國麟批評，流感高峰期下，更凸顯護士人手緊絀，地區龍頭醫院除內科「爆棚」外，骨科及外科亦人滿之患，「前線同事做到疲於奔命，醫管局就講多過做，聲稱推出多項措施紓緩，但實際有無用呢？」