食肆變煙竇 控煙辦塞責
接連有市民向本報反映，銅鑼灣謝斐道一間樓上酒吧餐廳內常有食客違規吸煙，食肆職員不但未有阻止，更以紙杯墊為客人製作煙灰缸，「呢度啲客好多都好似熟晒情況咁，一坐低就點煙係咁煲！」李先生直指自目擊違法行為後，曾多次向控煙辦公室投訴，惟情況一直未有改善。
控煙辦發言人承認，過去一年曾接獲十五宗有關上述食肆內有人違規吸煙投訴，並進行十三次突擊巡查，期間共向十六名違例吸煙人士提出票控。發言人續稱，控煙督察接獲本報轉介後再到上址巡查，並即時票控兩名違例吸煙人士。
「淨係罰啲客人有咩用？間餐廳為咗拉客，明知犯法都照畀人食煙，根本就係藐視法例，好應該罰埋個東主！」李先生指現行法例存在漏洞，以致食肆違例吸煙問題持續，促請盡快堵塞，令控煙辦職員不至「白做」。