稀有版保時捷 插櫃車底重創
【本報訊】一輛「稀有版」棍波保時捷跑車，昨凌晨在元朗新田公路失控打「白鴿轉」，直插貨櫃車拖架底，險被輾過，跑車男乘客受輕傷。駕駛跑車的物流公司東主見愛車重創，頻呼「好心痛！架車搵咗好耐啦！」貨櫃車被懷疑使用「光頭胎」，被警方扣驗。
撞毀的保時捷跑車Boxster S型，從事物流生意的卅二歲姓鄭司機稱，該車於二○○○年出廠，去年由友人割愛，以廿萬元購入，因跑車屬棍波版，在市場上非常罕有，今次失事撞毀，估計無法維修。
昨晨一時許，鄭駕駛跑車由加州花園接載一名姓丁（廿一歲）男友人，沿新田公路向落馬洲行駛，至加州花園對開時失控打「白鴿轉」，掃向路中石壆，車頭插入一輛貨櫃車拖架中間的底部，跑車車頭冚損毀，一個後輪亦拗曲。據姓劉（五十二歲）貨櫃車司機稱，從倒後鏡目睹跑車失事，連忙煞掣，跑車因此未被拖行及輾過，並甩脫墮後，鄭驚魂甫定下車，男乘客受輕傷，由救護車送院治理。警方調查時，發現貨櫃車有三個輪胎為「光頭胎」，懷疑違例拖走檢驗。