欄杆掛單張 食署睇唔到
宣傳單張通街掛，食物環境衞生署被斥「唔踢唔郁」！劉先生日前行經粉嶺百和路，發現路邊欄杆上多處懸掛着大疊大疊宣傳品，被撕下的單張則散落地面，嚴重影響市容，「嗰條欄杆唔係好長，但我數過起碼掛咗六堆傳單，啲人隨手睇完就丟喺地上，整污糟晒啲地方！」
當區區議員劉國勳亦指上址亂貼宣傳品的情況常見，質疑食環署執法被動，巡視次數不夠頻密，並建議當局在檢走宣傳單張後直接聯絡違規商戶以作警告，「如果下下清完就算，啲舖頭根本就唔知驚，呢頭清咗嗰頭又掛番上去！」
儘管居民及區議員皆指亂掛宣傳品問題嚴重，但食環署發言人卻稱，接獲本報轉介後曾派員巡查，但未發現宣傳品懸掛於百和路欄杆，僅於附近華明路欄杆上發現有宣傳品懸掛，並已即時清理。