中環出更：愛心主席冧莊剖白感人

當晚台灣幫空群而出，包括台北經濟文化辦事處處長朱曦、光華新聞文化中心主任張曼娟等駐港代表，基金永遠榮譽顧問梁愛詩、候任特首梁振英（CY）前競選辦主席張震遠都嚟撐場。現場仲有一名稀客、台灣前駐港代表鄭安國，佢對香港嘅時事依然好關心，睇好CY上場後嘅台港關係將有良好發展。

已故慈善及教育家陳樹渠嘅長子、寶聲集團董事長陳耀璋都喺度，佢同台灣關係密切，當晚心情靚靚，笑稱要快啲搵段好姻緣。

陳亨利（左一）現身撐太太Joise（左二），避談政事。右為實業家蔣震夫婦。

鄭安國（中）專程嚟港打氣。左起錢立祐、朱曦，右起台灣幫僑領王茂林及林添茂。（余素月攝）

長原彰弘就嚟抱孫

亞洲聯合財務董事總經理長原彰弘成晚笑瞇瞇，原來佢新抱預計下個月就生小龍女，恭喜晒！盛傳將出選紡織界功能組別立法會議席嘅前保良局主席、聯泰控股行政總裁陳亨利（Henry），亦現身力撐太太，陳太係基金會名譽主席趙滿菊。Henry話，最近忙緊會見基金經理，事關公司即將公布業績。

卓妮