祖堯邨滲水跌石屎
葵涌祖堯邨居民陳先生發現，單位年前曾有滲水迹象，經維修後情況曾好轉，惟近期睡房牆身再次滲水，「舊年房協整過一次，依家又再係咁，都唔知幾時先至改善到！」陳又指睡房窗外亦有石屎剝落情況，懷疑同受上層滲水影響。
房協發言人承認，近期接獲住戶反映單位睡房再次滲水，而鄰近公眾走廊的牆身亦有石屎剝落。經派員檢查後，確定滲漏自走廊戶外牆身伸縮縫，已安排承辦商維修，工程預計日內完成。
「好多謝《東方》，一同房協講話咁快就有人嚟搭棚維修！」陳先生希望房協正視滲水問題，避免住戶備受滲水問題滋擾，讓住戶有一個安樂窩。