行家：應酬幾句免激嬲佢
的士小巴權益關注大聯盟主席黎銘洪指出，遇到有迷幻青年持刀騎劫，司機要保持鎮定，在安全情況下暫時順其意，甚至「應酬吓佢，同佢講幾句，避免激嬲佢」，再等機會報警，「今次個司機都算鎮定！」黎銘洪稱，過去未聽聞有迷幻青年持刀挾持司機。
走同一路線的姓郭專線小巴司機表示：「公司冇教遇到騎劫點樣做同防範，我哋只可以見步行步，遇到呢啲人，唔會向佢挑釁，最緊要係乘客同自己嘅生命安全。」
另一名姓關司機稱：「我六十幾歲啦，命仔緊要啲，到時會隨機應變。」另一名早更司機表示，今次是「首次聽到呢條線有騎劫小巴嘅事發生！呢啲嘢防不勝防，唔驚得咁多！如果有人用刀指住我，惟有保持鎮定，見機行事！」