司機夠鎮定 保全車人命

【本報訊】小巴業界對於有「冰男」騎劫綠巴,感到震驚,以前從未發生過,今次可能是首宗,由於青少年濫藥情況愈來愈嚴重,業界擔心類似事件會陸續有來,呼籲司機一旦不幸被挾持,應保持鎮定,切勿激怒對方。

行家:應酬幾句免激嬲佢

的士小巴權益關注大聯盟主席黎銘洪指出,遇到有迷幻青年持刀騎劫,司機要保持鎮定,在安全情況下暫時順其意,甚至「應酬吓佢,同佢講幾句,避免激嬲佢」,再等機會報警,「今次個司機都算鎮定!」黎銘洪稱,過去未聽聞有迷幻青年持刀挾持司機。

走同一路線的姓郭專線小巴司機表示:「公司冇教遇到騎劫點樣做同防範,我哋只可以見步行步,遇到呢啲人,唔會向佢挑釁,最緊要係乘客同自己嘅生命安全。」

另一名姓關司機稱:「我六十幾歲啦,命仔緊要啲,到時會隨機應變。」另一名早更司機表示,今次是「首次聽到呢條線有騎劫小巴嘅事發生!呢啲嘢防不勝防,唔驚得咁多!如果有人用刀指住我,惟有保持鎮定,見機行事!」

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報