立法會選舉如箭在弦，各黨派都積極吸納地區樁腳增加票源，好似由立法會議員葉劉淑儀領導嘅新民黨，尋日就宣布招收咗一位獨立區議員張慧晶（Clarice）入黨，令黨內區議員人數由五位增加到六位。
呢位新入黨嘅Clarice，本身擁有法律學士及工商管理碩士學位，背景合晒一向走中產路線嘅新民黨。葉太同副主席田北辰（田二少）好歡迎有現任區議員入黨，仲話好期待同Clarice合作，一齊發展黨務同服務社區喎。
坊間一直盛傳田二少嚟緊立法會選舉唔會留守喺新界西出選，反而係向友黨借提名，參加超級區議會議席，今次該黨多咗屬於新界西嘅民選區議員入黨，點計對該黨同田二少都係好事，假如將來佢真係選超級區議會，要搵提名都唔使咁辛苦啦！