中環出更:陳文綺慧甫上任 巡東華業務夠勤力

啱啱上任嘅東華三院主席陳文綺慧(Viola)及一眾董事局成員,一上任就全情投入工作。前日清明節,Viola等人按傳統到東華義莊拜祭義山先友,又巡視屬下服務單位,認真勤力又應節。

當日出巡嘅仲有賭王三太陳婉珍、賭王囡囡何超蕸、馬陳家歡及馮敬偉等副主席及總理,一行幾十人先往上環太平山街嘅廣福祠、荷李活道嘅文武廟及善德宮等,然後去到東華義莊及骨灰庫,遵照傳統拜祭義山先友。成班人最後到達位於大口環嘅東華三院馮堯敬醫院巡視,了解醫院最新發展。

繼續撥款添置醫療儀器

Viola已接任東華三院轄下五間醫院嘅管治委員會主席,同時委任好姊妺馬陳家歡為馮堯敬醫院主任委員。Viola話,董事局將繼續撥款支持醫院員工訓練及福利,鼓勵員工進修及進行醫學研究,並添置醫療儀器,務求令東華嘅醫療服務更上一層樓。

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報