怕麻煩唔報警縱容狂徒
【本報訊】變態嫖客肆虐再掀鳳姐恐慌，而多年來鳳姐一直受到歹徒的「六宗罪」摧殘，包括盜財、打劫、不付款、付假鈔、冒警、毆打。有性工作者組織指出，鳳姐工作時遭暴力對待非常普遍，大部分人怕麻煩不報警，尤其是持雙程證者，更因擔心被拘捕而選擇啞忍，變相縱容施暴者。
「一言不合兜巴打」
關注性工作者組織「紫藤」發言人稱，鳳姐經常遇到有暴力傾向的客人，「好多時藉口話服務唔好，或者一言不合就兜巴打落個女仔度。」但很少鳳姐會主動報警，「揸雙程證嗰啲怕畀人拉更加唔敢報警，其實就算報警，警方亦未必捉到人，依家搞到咁大件事，先會咁緊張去查！」另一關注性工作者組織「青鳥」發言人亦指，鳳姐經常遇到被嫖客扯頭髮、撼頭撞牆甚至強姦等暴力對待，但鳳姐往往因怕麻煩及擔心遭不公平對待而沒有報警。
在九龍城唐樓開工的鳳姐「心心」稱，「好驚會發生喺自己身上！以前都遇過客人有無理要求，但要搵食無辦法啦，惟有靠姊妹守望相助。」另一名鳳姐則擔心兇徒會再次出動，「我好彩未遇過暴力客人，但聽到發生咁嘅事真係好擔心！」