梁振英（CY）當選特首之後十日，尋日就登門拜訪全國人大常委范徐麗泰。雖然范太支持另一候選人唐英年多啲，之前又講過CY唔適合做特首，但CY都不計前嫌。范太會面後話，會面時大家嘅對話好有禮貌，佢又一口回絕，話自己無責任做大和解嘅推手，仲話自己喺香港建制裏面，只係一個曝光率比較高嘅一介平民，並無同候任特首講香港嘅問題喎。
睇嚟呢位「高人一等」嘅平民，無意要同新特首刻意拉關係囉。
