輕鐵站欠設施 難為輪椅客
輕鐵市中心站四號月台只有樓梯連接路面巴士站，因不設無障礙設施而令輪椅使用者叫苦連天！方女士平日需靠輪椅代步，但每次於市中心站轉乘巴士均大感困擾，「原本只係幾級樓梯，但因為無斜台，次次都要經屯門公園兜個大圈，點解唔加條斜道？」
冇積極回應市民
港鐵發言人指，上址月台前端出口有斜道，尾端出口則設有樓梯連接路面巴士站。輪椅使用者如需前往巴士站，可經月台前端斜道前往屯門公園，經接連公園之行人天橋再使用升降機返回地面。對於有市民希望於該處增設斜道前往巴士站，發言人表示會保留意見，作為日後檢討車站設施之參考。
「早年社會嘅傷健共融意識唔高，所以港鐵以前喺呢方面做得唔足係可以理解，但係依家社會進步咗，港鐵都冇積極回應市民需要，就真係講唔過去！」屯門區議員陳雲生指區議會過去一直關注情況，亦曾向港鐵反映，惜未獲跟進。運輸署發言人證實，過去三年曾接獲六宗相關投訴，承諾將上述建議轉交港鐵處理。