食家：無肉味兼「乸喉」
【本報訊】化妝牛肉扮新鮮牛肉出售，普通市民難以分辨，隨時病從口入，即使見慣各類食材的食家亦可能會中招。食家冒險試食化妝牛肉，直指「牛肉」無肉味，口感似豬肉，食後喉嚨灼熱。
鴛鴦飯店主理人徐蒝表示，從外觀及顏色判斷，新鮮牛肉色澤呈暗紅色，在燈光下肉質不透光，紋理有粗有幼；但化妝牛肉則呈螢光紅色，在燈光下肉質透光，紋理均勻。
至於手感，徐蒝指化妝牛肉像橡膠，既沒有黏性，並且容易撕開及切斷；新鮮牛肉則富黏性及彈性，落刀時要「拖刀」才能切成條狀。烹煮過程中，徐蒝將同等大小的化妝牛肉及新鮮牛肉一同落鑊烹調：「新鮮牛肉煮時會滲出血水，並且會略為縮細；化妝牛肉就無縮水，要煎好耐先熟。」她試食化妝牛肉後說：「無肉味，口感就似豬肉。」並感到上顎及舌頭出現「乸喉」感覺，二十分鐘後才消除。
徐蒝對市面上出售化妝牛肉感到非常可怕：「好危險，都唔知食咗乜落肚！消費者以為牛肉紅就係新鮮，其實可能買到加料嘢。」