議員批「曾貪心」語錄

陳偉業(人民力量) 曾蔭權作為特首有十個第一,第一個違反《煙草控制框架公約》;第一個貪盡海陸空、歎盡省港澳;第一個被廉政公署調查;第一個出席江湖派對;第一個搭私人飛機畀經濟客位價錢;第一個畀五百蚊坐超豪私人遊艇;第一個以為鮑魚、冬蟲草四百蚊就買到;第一個借跑步機七年;第一個要內地接濟增城菜心同葵花雞;第一個被立法會試圖彈劾嘅特首。

梁國雄(社民連) (身為天主教教徒)曾蔭權係咪信第十一誡:做壞事都得,不過唔好畀人捉到。

李卓人(工黨) 曾蔭權只係就令市民失望致歉,唔係佢行為有問題,係咪死不悔改?

李永達(民主黨) 局長、常秘都知道有守則規範自己,唔應該越雷池半步,做咗公務員咁多年嘅特首曾蔭權都唔明呢個道理?

梁家傑(公民黨) 原來所謂嘅內部指引係心中之物,沒有客觀存在。

謝偉俊(旅遊界) 雖然有人嘲笑曾蔭權係第一貪官,但作為第一先生、香港冧巴一,所犯之事都係第一。

陳茂波(會計界) 天子犯法與庶民同罪,不能刑不及大夫。

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報