回收車阻街食署縱容
回收公司阻街問題遍布全港，食物環境衞生署被指執法不力！李小姐指出，柴灣怡盛里有回收店舖每日由上午九時至下午五時均將回收車停泊路旁收集廢物，「佢將啲鐵籠一個一個咁擺晒喺行人路，再加上啲人拎嚟嘅垃圾，大袋細袋堆晒喺條路度，叫行人點行？」
食環署發言人表示，接獲本報轉介後已經派員到怡盛里巡查，惟當時有關店舖沒有營業，只發現附近行人路有小量雜物，職員向有關人士作口頭警告後，雜物經已被移走。至於馬路上的鐵籠，食環署已轉介有關部門跟進。
「去嗰日冇，就唔識第二日再去，食環署啲人做嘢都真係『好盡責』，咁做嘢法唔怪得全港街道都咁『有秩序』！」李小姐坦言對食環署的執法工作深表質疑與不滿，要求當局須作正視。