特首選舉候選人唐英年日前扮晒「爆料」攻擊對手梁振英，有指佢咁做可能違反行政會議嘅保密原則。其實行會開會要保密，當然有佢嘅原因喇。有位電台聽眾好嬲，尋日打上電台鬧唐英年，話行會大部分議程都涉及公眾利益架啦，如果講到公眾利益咁重要，行會嘅會議以後就唔好收收埋埋，倒不如喺維園開咁話。到時無論行會討論港元同美元脫鈎，定係加稅減稅，市民都可以去維園旁聽啦。
