政情：李鋈麟嚴防拐子黨

好友遭遇 引以為鑑

李鋈麟話，事件發生喺一位深圳生意拍檔身上，雖然事隔十幾年，仍猶有餘悸。話說該拍檔有一日帶住三歲女兒去街，一唔留神被人拐走咗，父親傷心不已，曾懸紅尋女，但一直音訊全無。直至三年後，至喺上海找到女兒蹤影。父親不敢相信，寶貝女一手一腳被扭曲，變成傷殘，躲在街頭行乞度日，淪為拐子黨的搖錢樹。小女兒最後被救出，父親內疚不已。李鋈麟知道好友遭遇後好難過，以此為鑑，小心睇實家中小朋友。尋日佢以禁毒計劃督導委員會顧問身份，出席喺中環遮打道舉行嘅禁毒活動，帶頭呼籲年輕人遠離毒品，咪犧牲大好前途喎。