菜檔霸路食環署冇符
經常前往荃灣川龍街一帶購物的陳太，發現有菜檔經常佔用行人路與後巷擺賣並堆放雜物，不但造成阻塞，更影響環境衞生，「同食環署投訴過，可惜一啲改善都冇，條街一樣係畀啲貨塞住晒！」
食物環境衞生署發言人承認，由去年十二月至今，曾向上址一帶違例店舖提出逾一百一十宗檢控，其中十五宗涉及投訴所指店舖。根據《簡易程序治罪條例》，凡於公眾地方造成阻礙，一經定罪，最高可被判罰款五千元或監禁三個月。然而，對於被指有關店舖阻街問題持續沒有改善一事，發言人則未有正面回應，僅稱會繼續留意情況及採取適當行動。
「如果啲舖頭將罰款當係經營嘅成本嘅一部分，咁就完全冇咗阻嚇力，食環署就要想其他辦法解決！」陳太認為食環署必須正視問題，對違規店舖嚴加執法，保持行人通道暢通。