天橋升降機「有上冇落」
橫跨北角英皇道的行人天橋近日進行加建升降機工程，惟街坊阿明卻發現只有北角道一方有加建升降機，另一邊動工無期，令天橋變成「有上冇落」，「又話要起無障礙通道，依家淨係起一邊，坐輪椅上去咪有得上冇得落？」
路政署發言人解釋，由於北景街一方地底公用設施遷移需時，施工期較預期長，現爭取於明年中落成；至於北角道的升降機則即將完工，屆時可作臨時開放。為免對傷健人士造成不必要混亂，當局會於行人天橋上落當眼位置張貼告示提醒市民。
當區區議員洪連杉表示，天橋兩邊升降機落成及開放日期出現的差距，遠遠超出預計範圍，「最初都係諗住兩邊最多差幾個月（落成），點知路政署開咗工先知地下嘅嘢好複雜，搞到要遲咁多！」洪又指區議會正爭取盡快安排封路動工，以免工程一拖再拖。