西鐵轉乘車位常滿逼折返

元朗錦上路西鐵站一帶為鄉郊地區，因位處偏遠，公共交通選擇有限，不少居民以私家車代步。自西鐵通車後，設於錦上路站的轉乘泊車處便吸引大量居民使用，轉乘西鐵到市區上班。現時轉乘停車場共提供五百五十個車位，惟隨着近年元朗相繼有大型屋苑落成，泊位已漸告飽和。

西鐵站旁的巴士站使用率甚低，有巿民要求改為泊車位以善用資源。

鄧卓然直言港鐵漠視處理轉乘泊位不足情況，令問題解決無期。

「排隊等位返工遲大到」

「朝早九點後想搵個位泊都幾難，嚟到見到冇位想搭（西鐵）都唔得，惟有直接揸車出市區！」李先生指停車場早在一○年已開始天天爆滿。另一車主官先生同樣飽受「有車冇位泊」之苦，但卻發現錦上路站附近有多幅空置土地，包括屬港鐵管轄的跳蚤市場及運輸署巴士總站，質疑港鐵與政府未有善用資源，「呢度朝朝泊滿晒車，我試過排隊等車位等到返工遲大到，但附近偏偏有地方空出嚟，仲荒廢晒，點解唔好好利用？」

港鐵發言人承認，泊車位於周一至周五的日間不時滿額，惟因土地限制未能增加泊車位，強調區內亦有巴士及小巴可接駁西鐵列車。

運輸署發言人則未有正面回應轉乘泊車位不足問題，只稱已留意到巴士總站使用率偏低情況，會跟進研究將部分位置改為咪錶泊位，或電單車及單車泊位等，以改善巴士總站使用率偏低情況。

應建雙層停車場紓壓力

「居民好多都係泊低架車再搭西鐵返工，咪錶位泊得嗰一、兩個鐘根本就冇用！」當區區議員鄧卓然直斥運輸署提出的方案不切實際。鄧坦言近年接獲居民有關投訴不斷，去年已於區議會交通事務委員會會議上與港鐵洽商解決辦法，建議興建雙層停車場以增加泊位，惟港鐵卻以土地限制為由拒絕承諾改善，「錢佢就識得賺，（港鐵）最近又計劃喺個站度起上蓋物業，點解樓就可以起，加泊位就咁難？」

立法會交通事務委員會委員陳淑莊直指當局漠視處理公共交通問題，或對地區長遠發展構成影響，「如果市民次次泊車都要心慌慌驚冇位，佢哋遲啲可能就唔敢再博，到時冇人用，成笪地都會浪費咗！」陳促政府積極研究利用區內空地及巴士總站，以改善泊位緊絀情況。

記者：林松澧