立法會議員猛呻要加人工，早前已經畀各界鬧爆，但仍批准獲加薪一成，實報實銷嘅辦事處津貼就加兩成，加幅已算係唔錯，但民主黨劉慧卿就繼續嘈，話政府班政治助理人工每月十幾萬元，點解議員助理得萬幾蚊咁少喎。不過，卿姐唔好忘記，議員助理嘅人工，係議員自己去決定，唔關政府事，聽聞有議員助理有成三、四萬元人工，睇嚟似乎係屬於議員自己嘅理財管理問題多啲喎！
