又搵副手頂 自己龜縮
不過，五十一個出席團體當中，就發現最少有八個打正旗號、擺明倒周一鑊台嘅新勢力，相信到時鬧爆周一鑊嘅發言必定此起彼落。
「倒周」團體包括「不要每周一鑊連線」、「踢走周一嶽聯盟」及「新特首必需撤換周局長大聯盟」等，淨聽個名足已令出席嘅周一鑊相當尷尬。
不過，周一鑊做嘢出晒名閃縮，過去每逢有麻煩嘢只會搵副手去硬頂，好似前副局長梁卓偉就幫佢擋箭擋得多喇，所以今日個會議都唔例外，佢只派副秘書長出席，自己就一於闊佬懶理。
一名「倒周」團體嘅會員就不滿話：「周一嶽唔嚟唔緊要，立法會有會議紀錄，淨係將班團體名寫入史冊，都夠佢流芳百世啦！」周一鑊做官做到咁，真係退位讓賢好過啦！